旧咗嘅车=冇用？OpenCar

REC教你如何将一部经典旧车嘅故事延续落去

车同錶係好多人追求嘅目标，虽然两者睇落好似冇咩关係，但呢几年有一间新冒起嘅手錶牌子REC，将两款旧嘅经典车：Ford Mustang、第一代波子911（901）嘅零件放入去手錶设计上，令呢两个原素可以完美咁结合埋一齐。

P-51嘅錶面设计参考咗60年代真实Mustang嘅錶板，而且左边仲会有一块印左VIN号码嘅牌仔话你知呢个錶面係用咗边架真车所製成。

錶嘅右边设计师将野马Logo 换成REC嘅Logo。

REC旗下暂时有两款手錶都以旧车零件做主题而设计，型号分别係P-51同901。两款錶嘅錶面都用咗真车嘅车身零件，而呢啲零件都可能因为过往氧化或者係刮花而出现唔同嘅纹理，所以即使係同一款錶，錶面都会唔一样，每只錶绝对係独一无二。

其实只要细心睇两只錶入面嘅细节位，就会发现设计师好成功咁将车嘅设计融入咗两只錶当中。好似P-51上面两个圈就係参照返60年代真实Mustang嘅錶板而且錶嘅左边仲模仿咗车头野马嘅车章，不过佢哋就将只野马变成公司嘅Logo。另一只901手錶嘅背后就用咗旧911条车軨嘅设计，提到旧嘅911就一定要提到风冷设计，901錶身上都有设计向呢个喺汽车历史上好有影响力嘅设计致敬。

901錶面上下都有类似911散热位嘅设计。

901背后模仿咗以前911车軨嘅设计。

标签：

版权声明：本文由用户上传，如有侵权请联系删除！