AMG GT新车 软顶开蓬版GT ROpenCar

限量750部

前阵子Mercedes-AMG先公布咗限量版Mercedes-AMG GT R Pro，最近AMG GT车系家族又多一位成员，就係GT R Roadster（开蓬版GT R）。

开蓬版GT R全球限量750架，不过价钱暂时未清楚。

新车车笼入面嘅设计同3年前发布嘅GT R有新嘅改良，例如终于换咗12.3吋电子錶板。另外仲有10.25吋中控显示屏、黑色真皮AMG Performance赛车櫈，加钱亦可以选择AirScarf同埋冷暖櫈。

车入面嘅设计除电子錶板外，大致上同依家嘅GT R冇咩大改动。

同之前嘅普通版GT R一样，开蓬版用4公升Twin Turbo V8引擎马力有585匹，而峰值扭力有700Nm，配合7前速双离合器波箱，0－100km/h加速时间3.6秒，极速有317km/h，比起硬顶版慢咗1km/h咁大把。

GT R Roadster 嘅7前速双离合器波箱经过改良之后比硬顶版GT R 加速力更强劲。

至于呢部车嘅主角－ 软蓬，由合金、镁、铝物料製成，所以特别轻，而车軨方面就前19后20吋锻軨。唔好以为佢係开蓬版就会偷工减料，叫得GT R一定有返咁上下，钛金属排气、四轮转向系统、落场版避震系统，样样都有齐，真正睇得又打得。

GT R Roadster 将会喺3月5号瑞士日内瓦车展正式亮相。

标签：

版权声明：本文由用户上传，如有侵权请联系删除！