小改款Lexus IS 登场OpenCar

用你部电话睇新车

几番波折小改款嘅Lexus IS 车系终于登场，新车暂时公布有IS300 、IS350同埋混能版IS300h 三个车型。两个汽油版本入面又会细分尾驱、四驱两个选择。先讲尾驱IS300，将会採用两公升直四Turbo 引擎，马力244匹（PS）、峰值扭力349Nm配上8 速自动波；偏尾驱向嘅四驱版本就会用3.5公升V6 自然吸气引擎，马力有264匹、峰值扭力329Nm，配搭6速自动波箱。

至于IS350就冇咁複杂，不论尾驱或四驱都採用3.5公升V6 自然吸气引擎，马力有315匹、峰值扭力379Nm。IS350 同上面提到嘅IS300 一样，尾辘版用8 速自动波、四驱版用6速自动波箱。

虽然动力上同之前冇转变，不过厂方表明新车嘅重点着墨喺操控上，所以佢哋设计呢部车时透过改良车架C柱嘅结构、全车又增加焊点数量去增强新车嘅刚性，从而令部车可以更加好弯。

外型方面，今次IS 车系嘅车軨大小门槛最细由转款前嘅17吋提高到18吋，而F Sport 更加係第一次採用轻量化19吋BBS 铝合金车軨，其他新设计就有面积大咗嘅鬼面罩以及近年愈见愈多嘅一字型尾灯。比起车外，新车内笼方面嘅改动就比较细，10.3 吋触控式中控mon.（内置支援Apple CarPlay及Android Auto）、左右两边冷气出风口由方形变成圆型。

其实净睇官方提供嘅新车相有时都几闷，想睇得更加清楚IS 新车？ 推荐你用手机去下载「Lexus AR Play」呢个apps，透过AR 技术就算你喺屋企都可以好仔细咁睇到新IS嘞！

新IS 预计今年秋季正式上市，售价暂未公布。

标签：

版权声明：本文由用户上传，如有侵权请联系删除！