落场版神级超跑 Senna GTROpenCar

1.1吨下压力

故事要由一年前嘅瑞士日内瓦车展讲起，当日McLaren Senna GTR概念车登场，好多人都好期待呢部限量75部，车价达到税前一百一十万英镑（大约一千一百万港币左右）嘅落场版会劲到咩地步，当然McLaren一直有班Fans，所以呢75个配额一下子就已经卖清光，时间快转一年，呢75部车将会投入生产，McLaren就衬住呢个时间公布更多有关呢部神级超跑嘅资料。

唔计呢部新车McLaren咁耐只係出过3部GTR车，包括1995年嘅 F1 GTR、1997年嘅F1 GTR Longtail同埋2015年P1 GTR。

根据厂方嘅资料，Senna GTR用4公升V8 Twin Turbo引擎，最大马力有825匹，比街车版本多25匹，车身净重量相比起少10公斤有1188公斤。有留意街车版Senna 嘅都知道McLaren 非常注重呢部车嘅下压力，GTR版亦一样，佢比起前者更加多咗200公斤，最大下压力有接近1.1吨！

本身街车版尾翼已经好夸张，依家GTR版尾翼完全伸出车身。唔好以为佢得个样，厂方就话呢只翼可以令车尾部份有更好嘅操控性。

外观方面，因为唔再需要附合喺街道行驶嘅要求，所以空气部件设计就可以更大胆、更有利提供下压力。新设计嘅头铲同埋只超巨型尾翼，通通都係为咗令部车有更多嘅下压力，难怪厂方就话GTR版相比起街车版即使慢15％车速都可以产生同数量嘅下压力。

经过重新设计嘅头铲，令部车睇落更恶！

厂方暂时仲未公开更多有关呢部「神超」嘅细节，有兴趣嘅车迷可以继续留意我哋相关嘅报导！

Senna GTR限量75部，车价税前1,100万港币，全数经已卖晒。

标签：

版权声明：本文由用户上传，如有侵权请联系删除！