可以甩到尾嘅StingerOpenCar

可以甩到尾嘅Stinger

讲起KIA最劲嘅车款就一定非Stinger莫属，不过Stinger都已经出咗一段时间，有见及此，厂方就推出限量版嘅Stinger GTS。

限量800部嘅Stinger GTS预计会喺今年春天生产。

呢部Stinger GTS外观上变化其实唔大，除咗只有呢部限量版先有嘅橙色车身之外，仲多咗啲碳纤部件，例如两边嘅侧镜壳、车身两边嘅导风口，而内笼方面嘅改动就有猄皮軚盘同720-watt Harman/Kardon嘅音响系统。而引擎方面用咗副3.3公升，V6 Twin Turbo机器，最大马力有365匹，峰值扭力有509Nm。

Stinger GT用咗嘅係3.3公升V6 Twin Turbo引擎，最大马力365匹，峰值扭力509Nm。

睇到呢到，你可能会话到底呢部GTS有咩咁巴闭呢？原来佢劲就劲在套四驱系统，用Comfort模式嘅时候可以前4、后6分配动力；Sport模式就会前2、后8；最后就係Drift模式，唔使多讲你都估到啦，动力100％全部落晒尾辘到，想型住玩甩尾唔係得果几部选择嘅！

Stinger GT新车价＄44,000美金（约$340,000港币)。

车入面嘅改动唔大设计同普通版差唔多。

　　免责声明：本文由用户上传，与本网站立场无关。财经信息仅供读者参考，并不构成投资建议。投资者据此操作，风险自担。 如有侵权请联系删除！