集贵气、舒适于一身McLaren GTOpenCar

集贵气、舒适于一身McLaren GT

讲起McLaren 嘅车好容易就会联想起，「最速」、「最快」、「最大下压力」呢啲字眼，同「贵气」、「舒适」好似冇咩关係，不过真係畀部Senna 你喺街揸一日，你条腰骨都未必顶得顺，所以McLaren 为咗一班又想快又唔想揸次长途车就断腰骨嘅潜在买家，推出集贵气、舒适于一身嘅McLaren GT 新车。

McLaren GT新车价大约1,640,000港币起。

McLaren GT 车厢入面飞起硬绷绷嘅碳纤桶櫈，换入高贵嘅真皮櫈，再加上度身订做嘅避震、制动同转向系统，令McLaren GT 更适合行长途车程。另外，叫得Grand Tourer 梗係要收埋到嘢啦，所以车头同两张櫈后面都有地方放嘢，车头空间更加有570公升，足够放入小型嘅行李箱。

放得落Golf 袋係GT车必备。

虽然新车係McLaren 第三部嘅GT车款（对上一部係3年前嘅570GT）除咗舒适之外，佢嘅表现一啲都唔输蚀，实力依然保持到McLaren 嘅水準；4公升V8 Twin Turbo 引擎，最大马力有612匹（HP）、峰值扭力630Nm。0-100km/h加速时间3.2秒，极速就有326km/h。

新车售价 £163,000（大约1,640,000港币）。

新车 0-100km/h加速时间3.2秒，而0-200 km/h 9秒就搅掂。

虽然车箱入面相对地冇咩碳纤部件，不过McLaren GT车重都係1,530公斤。

　　免责声明：本文由用户上传，与本网站立场无关。财经信息仅供读者参考，并不构成投资建议。投资者据此操作，风险自担。 如有侵权请联系删除！