万众期待 A45s CLA45s 双双抵港OpenCar

由2018年3月就已经开始同大家报导嘅新一代Mercedes-AMG A 45 ，今日终于连同另一高性能房跑Mercedes-AMG CLA45 S 4Matic+ Coupe 一齐抵港。咩都唔讲住，先提供价钱畀大家知，A45 S 由$928,000起，CLA45 S 就需要$978,000起，A45 S同之前预计接近一球（一百万）嘅车价，依家似乎平咗！而抵港嘅新车将会清一色「S」版，换言之A45、CLA45两部「入门版」相信唔会出现喺大家眼前。

两款新车都採用经过AMG 调校嘅2.0 公升直四Turbo 引擎，最大马力输出可以有421匹（hp）、峰值扭力有500Nm，配合AMG SPEEDSHIFT DCT 8G波箱同埋4MATIC+ 四驱系统之下A45 S 0 - 100km/h 加速时间只需要3.9秒，而CLA45 S 都就係4秒完成。如果你係锺意玩甩尾嘅，呢两部车入面仲会有「Drift Mode」可以等你甩返够本！新车外型方面够晒煞食，装有前后扰流、风刀、大尾翼、19吋黑色合金軨同埋专属嘅四出尾喉。预计今年下半年交车，有兴趣嘅车迷由今日起可以去平治港岛品牌中心或者平治九龙品牌中心睇两部车嘅真身。

　　免责声明：本文由用户上传，与本网站立场无关。财经信息仅供读者参考，并不构成投资建议。投资者据此操作，风险自担。 如有侵权请联系删除！