日本本土独家发售入门级版GR YarisOpenCar

GR Yaris First Edition 仲有不足一个月就会截单，不过日本丰田今日宣布嚟紧GR Yaris 喺日本嘅阵容将会进一步扩充，除咗最顶级嘅RZ之外，仲会多咗入门级嘅RS版同埋落场嘅RC版。

先讲RZ版，同之前成日提住嘅First Edition 一样，採用1.6公升直3 Turbo 引擎，马力输出272匹（PS）、峰值扭力370Nm。配备「GR-FOUR」四轮驱动系统、IMT 6速手波、Torsen LSD、BBS 锻造车軨。

而今日首次公布入门级嘅RS，就会转用1.5公升直3 引擎（冇错！冇Turbo）马力输出大幅减到120匹（PS）、峰值扭力145Nm，前轮驱动配上Direct Shift-CVT 波箱，不设差速装置。

图中为RS版嘅原型车。

最后一个RC 版係落场版本，引擎、配备同上面嘅RZ一样，不过为咗减少车身重量RS版车入面将会少咗娱乐系统。

现时虽然未有相关车价嘅资料，不过睇RS 版咁「斋」可能比起First Edition同埋RZ 版会平唔少，但係入面机器又唔同晒，唔通真係买个壳就算？ 新车预计今年9月发售。

　　免责声明：本文由用户上传，与本网站立场无关。财经信息仅供读者参考，并不构成投资建议。投资者据此操作，风险自担。 如有侵权请联系删除！