荷兰限定辣椒仔Swift Sport KatanaOpenCar

向Katana致敬

如果对两个辘有研究嘅车迷都应该会认识由1981年首次推出嘅Katana呢个车系，最近Suzuki为咗向呢部电单车致敬，厂方就特别推出咗一款限量30部、荷兰先有得买，名叫Swift Sport Katana嘅辣椒仔。

提起Suzuki又点可以唔讲佢喺两个辘方面嘅成就，而当中Karana（左），对玩开两个辘嘅车迷嚟讲相信都唔会陌生。

呢部Swift Sport Katana重点係外观上嘅变化，车身颜色将会同Karana 一样，所以只会有两个选择： 金属银（Premium Silver Metallic）同珍珠黑（Super Black Pearl），而且仲要每只色只得15部，除此之外，头冚同埋车身侧面都有黑色拉花、18吋黑色OZ合金軨。其他方面嘅改动就有可调较高低嘅避震、防倾桿以及强化过嘅排气系统。

车门嘅下方仲印有「刀」（Katana）嘅字样。

另外C 柱上都会印有限量编号。

至于副偈有冇劲到？唔好意思，暂时未有消息指有任何强化，依旧都係保持1.4公升直四Turbo 引擎，最大马力140匹、峰值扭力 230Nm，不过外型改到咁爆，最少自己都加返廿零匹啦！

车入面好多地方都用咗红色车线或者加咗红色边，令部车更加有跑味。

车笼入面有唔少地方都会「提示」住你，部车喺特别版，至于会唔会提得太多就见仁见智喇！

标签：

版权声明：本文由用户上传，如有侵权请联系删除！