Civic Type R小改款今日正式开卖OpenCar

限量版11月30日发售

Civic Type R 小改款同埋Civic TYPE R Limited Edition 原定今年6 月发布，但由于疫情原故要推迟到呢几日日本嗰边先有确实发售日期。

先讲Civic Type R 小改款，採用两公升直4Turbo 引擎配合6前速手波。咪同之前一样？ 动力方面确实㗎！不过今次小改款着眼点就落咗去改善操控方面，透过重新调整车入面嘅悬挂系统同电子軚盘系统令部车更加好弯。外观方面，头泵把嘅入风位变大咗、车入面嘅軚环就转用咗猄皮物料。小改款今日正式发售，售价为4,752,000日元（港币约$347,000）。

之前同小改款一齐曝光嘅仲有Civic TYPE R Limited Edition，呢部总数1,000部嘅限量版，日本方面总共有200 部配额，动力输出一样冇变动，不过部车嘅重量就减轻咗，厂方透过移除冷气系统、娱乐系统、整部车嘅隔音同埋转用每只轻2.5KG 嘅20吋 BBS 铝合金车軨等等嘅办法令部车一共轻咗47KG。Civic TYPE R Limited Edition 将会喺11月30日发售，价钱比上面嘅小改款贵咗接近250,000日元，要5,500,000日元（港币约$402,000）。每一部限量版都会有自己一个特别编号，而头1-10 嘅号码依家可以先到Honda 官方网站登记抽籤确认咗之后先至有权买车，心动呢？ 不过你要喺日本有联络先有资格抽喎！

标签：

版权声明：本文由用户上传，如有侵权请联系删除！