限量版Mercedes-AMG GT R ProOpenCar

比GT R 更型、更Hardcore

话咁快Mercedes-AMG GT R就已经发布咗两年半，喺2018年洛杉矶车展Mercedes-AMG就加入一位新成员去AMG GT车系：限量版嘅Mercedes-AMG GT R Pro。

AMG GTR PRO设计灵感嚟自AMG GT3 、GT4赛车所以唔难发现赛车基因係新车之上。

新嘅Mercedes-AMG GT R Pro外观设计上参照落场版嘅AMG GT3、GT4赛车同时加入碳纤製成嘅气流部件，令成部车睇落更型亦令部车比起AMG GT R更加适合落赛车场到飞。加入嘅部件例如相对AMG GT R更突出嘅碳纤头铲、车头两边加上一对风刀、加阔嘅侧裙仲有好夸张嘅尾扰流。除咗气流部件之外，头、尾灯都换咗新嘅设计。

四轮转向功能喺AMG GT R Pro将会继续保留。

内笼设计方面AMG GT R Pro终于都追上潮流，换咗12.3吋嘅电子錶板、10.5吋轻触式中控台萤幕、多功能连轻触式按钮AMG軚盘、就连中间嘅控制按钮都有更新令内笼睇落感觉型咗同新鲜咗唔少。GT R PRO同GT R 喺车箱入面嘅最大分别就一定係GT R Pro多咗个防滚架，令部车过弯更稳定，不过就变相食咗少少放行李嘅空间。

新嘅軚盘4点方向加入新嘅按钮方便选择唔同行车模式，而8点方向嘅按钮就可以因应车主唔同喜好选择唔同嘅设定。

可惜嘅係新车动力同之前嘅AMG GT R一样冇改动，大家都用4公升V8 双Turbo引擎。马力有585匹，峰值扭力有700Nm，0-100km/h加速力3.6秒，极速同样都係318km/h。

AMG GT R Pro就已经登场，唔知Black Series 几时会出现喺大家面前呢？

GT R Pro加入咗防滚架，令部车飞起上嚟更稳定。

GT R Pro沙板上面有鲨鱼鳃除咗型仔之外仲可以帮助提昇车头嘅下压力。

标签：

版权声明：本文由用户上传，如有侵权请联系删除！