[有片睇]NSX偈声救爸妈OpenCar

又有一大个理由换车喇



扭紧计嘅BB有几难搞,身为爸爸、妈妈嘅你应该好清楚,最近Honda 就测试咗个新嘅玩具车仔,声称呢个车仔可以有助安抚BB,令佢哋可以平伏心情唔再喊。咁呢个公仔有咩咁劲呢?原来就係全靠公仔入面嘅一个小型摇控喇叭,唔係播音乐咁流呀,反而係播引擎声!

Honda公布嘅实验结果指出喺测试嘅12个BB入面11个有正面影响唔再喊,7个减慢返心跳率。


呢个喇叭仔入面内置2018年NSX嘅引擎声,咁点解Honda咁多好车会拣中NSX呢?原来Honda之前总共做过37次唔同引擎声嘅测试,当中包括2007年CIVIC TYPE R、 1986年INTEGRA、1995年CR-V同1999年S2000等等,结果发现NSX嘅引擎声最可以安抚同降低一班6个月至岁半大测试BB嘅情绪同埋心跳率。


至于点解用引擎声就可以安抚到BB?原来引擎声入面嘅低频率同BB喺妈妈子宫入面所听到声音好相似(例如:血流动嘅声同心跳声),所以一听返类似嘅声音BB们当然会开心返晒啦!


NSX引擎声嘅低频率(250 Hz以下)同子宫入面嘅环境声频率最接近。


可惜Honda并冇打算正式推出呢件神器。不过,佢哋都将呢个实验嘅成果放咗上网同人分享。不如你都试下到底有冇用?

https://www.honda.co.jp/SOUNDSITTER/



郑重声明:本文版权归原作者所有,转载文章仅为传播更多信息之目的,如作者信息标记有误,请第一时间联系我们修改或删除,多谢。