Volvo 试用电动无人拖头OpenCar

Vera 拖头正式签约

Volvo 试用电动无人拖头


如果将来你有机会去瑞典嘅货柜码头,你就会见到一批批好似超跑咁扁嘅电动无人拖头喺物流中心同码头之间运送货柜。事源係同样都係嚟自瑞典嘅物流公司DFDS同Volvo签订咗一份商用合约,而呢一份合约仲係电动无人拖头Vera 嘅第一份合约令佢可以喺将来正式投入运作。


Vera 外貌都几似跑车。


呢部Vera 可拖行40呎嘅大型货柜,而最高时速可以去到40km/h,虽然呢个车速唔算十分快,不过来往物流中心同码头都应该够照。Vera 嘅运作同铁路有少少相似,需要一个控制中心而中心入会有工程师会负责监察住Vera运作。


虽然Volvo都讲明试用Vera 当中一定会遇到唔少问题,好似过海关等等嘅问题要先处理,不过佢哋话有信心克服问题。


如果呢次DFDS同Volvo合作成功,将来可能喺码头就唔会见到有人揸拖头。


郑重声明:本文版权归原作者所有,转载文章仅为传播更多信息之目的,如作者信息标记有误,请第一时间联系我们修改或删除,多谢。